BUTTERFLY EFFECT

        நீ அறிந்திருக்க வாய்ப்பில்லை. நிராகரிப்புகளால் என் இதயம் கிழிகிற போதெல்லாம் உன் நினைவென்னும் ஊசியால் நான் தைத்துக்கொண்ட என் கடந்த காலங்கள்.

இன்றும்  அந்த நீலம்  மாறாமல்  என் இதயத்தில் தேக்கி   வைத்திருக்கிறேன். வா ஆளுக்கு ஒரு கோப்பை வானம் ஊற்றிக் குடிக்கலாம்.                  

சக மனிதனின் தோல்வியில் இருந்து நான் அடைந்த ஒன்றை என் வெற்றி என்று கொண்டாடினால் நான் மனிதனே அல்ல. 

அஷ்வந்த்ரா மழையாக இருக்ககூடும். ஆஷ்ரிதாவுக்கு குடையை விட மழை பிடித்திருக்க கூடும். எழுதாத சில வார்த்தைகளுக்குள் ஒரு வாழ்க்கை ஒளிந்திருக்கக் கூடும்.

அகாலத்துயரம்  துரத்தும் போதெல்லாம்  உன் நினைவென்னும்  மூச்சிழுத்து  நெடுந்தூரம்  ஓடுகிறேன்.

நீ  குடை பிடித்து  மழை மறுத்தால்  அது  மழைக்காலம் அல்ல.  குடைக்காலம்.

  இலைகளை அவள் மீது உதிர்த்து  அவள் சிலிர்ப்பில்  துளிர்க்கும்  வினோத மரங்கள்  நிறைந்தது காடு..!

எனக்கு மட்டும் தான் தெரியும் நீ பூமிக்கு வந்த நாளில் வானத்தில் ஒரு நட்சத்திரம் தொலைந்த கதை